هر سهدار هُداوندا ستا بکنات
150
هُداوندا بنازێنێت، هَلّێلویا.هُدایا آییئے پاکێن اَرشا ستا کنێت،
آییئے زۆر و واکئے آسمانان.
2 په آییئے پُرواکێن کاران آییا ستا کنێت،
په آییئے کاملێن مزنیا آییا ستا کنێت.
3 آییا گۆن سُرنائے تئوارا ستا کنێت،
گۆن سُرۆز و چنگان ستاای کنێت.
4 آییا گۆن ژانگ و ناچ ستا کنێت،
گۆن سیمّی سازان و نَلا ستاای کنێت.
5 آییا گۆن ڈُهلان ستا کنێت،
گۆن بُرزتئوارێن ڈُهلان.
6 هرچیزّا که ساه مان، هُداوندا ستا بکنات.
هُداوندا بنازێنێت، هَلّێلویا.